腌餌南極蝦魚餌

在香港，需要購買魚餌，說困難又不是很困難。但隨著時間飛逝，觀塘裕民坊的魚餌鋪也因徵地而結業了。九龍區可以去購買釣魚餌的位置已經變得少之有少。將軍澳寶盈、油塘的二間、什至觀塘坑渠邊。各位一時興起又買不到魚餌又怎麼辦呢。其實最間單的方法就時長時間存備魚餌在冰箱。今次這Po就簡單的分享一個小弟自己愛玩的南極蝦腌餌，在釣魚界別大多人都如此腌製，方法也是超簡單，但秏精力；

1. 首先需要去購買一磗南極蝦磗 (所購買的南極蝦磗，盡可能看看是否比較大隻的，如鋪頭唔比你揀就別勉強)

2. 溶雪，在這裡我個人看到網上有釣手會在溶雪時將糖完全覆蓋整磗蝦。我也曾試過其實未嘗不可，但一定要處理好去水否則會浸爛底部的蝦。而且未有選到的南極蝦難以重用作誘餌。本人是就這樣放在茜把蝦溶好，例如早上8:00返工，下午6點回到家就可以溶完再選蝦。

3. 選完整的蝦，本人選擇的蝦，基本上要有自己二節手指尾長度，雙眼必需還在(個人覺得有眼沒眼釣況差別很大)。

4. 選好完整的蝦，直接掉入裝滿糖既碗入面再等佢扯下水。由於溶雪既時候咁長時間已經有唔少蝦汁流走左，所以再係糖抽水時間唔駛太長。

5. 南極蝦係糖碗入面抽完水之後，擺係報紙 / A4紙上再整乾少少，之後就Packing。我用A4紙剪好分隔，釣既時候成張A4紙抽起個度都基本上夠釣一次。

呢個雪法，掟落冰箱都唔會結冰，長備係冰箱隨時起行，作釣之前可以落粉紅胺基蝦水，上完色同嗱完，肯定有幫助的。有些人會落蜜糖的，其實也是可行，但是拿起手作釣時實在是太過不舒適，我只會在腌蝦仁時用蜜糖。入盒時是否配糖

步兵搭船第二站 - 荔枝莊

未上船影下隻靚船先。




未上碼頭已有5隻黃狗歡迎，好在同船有高手識路，一落船擺底雞翼尖。D狗仔好乖的。除左吠你之外唔會有咩反應。餵完野食平安釣魚。



 唔識比反應。



咩玩法



太大風，決定掟沙灘內彎。大量沙礸(圖為左口)，釣夠食玩碼頭底。



一口大野，以為執到隔夜野，一抽成個約組無左。轉布腳，再黎就無甩拖，雞泡都要抽你上黎!好力水











同場加映，6點船前的日落。圖片出自華為Nova 3，有AI稍為執相。但現場睇其實相差不大，真係好靚。

釣魚編，深涌碼頭。

作為釣魚新手的小弟，以步行黎計當然要親身嘗試釣魚地點。
不打粉，主力最熟手既3.5主3號副腳波子壓底。





失望而回。同場打粉幾位師兄，D魚就比較似樣，有鯧魚有石剎有黑立。但比我想像並不算大咬。

轉變，北角碼頭。

又黎北角碼頭玩。自從汽車碼頭長期泊左躉船個底都出現左變化。

由上年同一時間，一晚起10幾條坑廉，到今天第1條魚竟然係沙礸。感覺污泥底變成左沙底。波子壓底拖餌都感覺到左變化。感覺到少好多怪獸游埋黎。拖底玩下沙礸玩返個零2個鐘都夠餐食

八爪魚寶寶

陽光普照，可惜了上班一族無法全日去玩。都係去返自己最近既釣場。3.5主3號腳T環棄鉛出。

第1次秋刀都咬。真係唔知八爪仔到底係食咩。

玩完佢一輪掟回大海。

二條都係常客，不過斷左一條斤頭都幾灰。感受唔到係咩魚，但chok斷鈎。又上左一課。

墨魚初Gor

日出康城，Chok墨聖地

胆粗粗買支墨魚燈去下墨魚

深水埗街尾店買八爪鈎同米仔去試下。

唉墨魚真係幾睇風向及溫度，經驗技巧不足之下。

成晚得一條仔都好啦返屋企拎黎煮下公仔面。

但係真係要掌握好支竿。

用手竿Chok打水較容易，但個人比較少用，總係覺得Chok個野反應因為支竿軟慢左。

而感覺上，今年康城埋邊既墨魚好似對比上年少左好多。

點都好，愛護環境，唔好整到成地垃圾同墨啊大家。

北角碼頭 2018-6-20 (靜水到北角碼頭散心)

北角碼頭尋魚日，靜流水退時間釣。蝦肉棄鉛沉底釣。

又同我上條斤頭油鎚。點解咁鬼多架。仲要同我嘔到成地都係污鬼糟。

3號主唔記得拎撈磯都上到水，有運。

真係估唔到呢家個邊多油鎚到咁。

牛一之戰

生日牛一前一天，硬著頭皮請日假去玩下。去了青龍頭附近一帶搵魚類朋友。丸九極蝦粉腌曬白蝦肉去試玩青龍頭附近釣點。中午大流時間完全飛機流，岸拋30G都頂不順要收竿休息下。呢附近釣點石底，如果波子壓低玩足全日估計收竿鈎底機會率有30-40%。魚帶餌走拉慢少少都容易卡石。而拋出少少都有細魚仔搞餌。轉用棄鉛法，唔卡鈎就卡鉛。總之去得戈個位釣就帶定多D火藥。魚仔食餌好細口，適而用幼線，2號主，1號或1.5碳腳。子線長少少大約150-200越漂越好。無打粉全日都中魚毛仔，最大個條連尖仔大約手掌大少少。其它紅衫B=]但自己小心啦戈個位，如果想探就量力而為嗱。我都係企易釣位，有D位要爬既就自己判斷嗱。長釣長有，命仔要緊。

釣魚行裝推介。(收納盒 / 分類盒 / 照明燈具)

悠閒岸釣配備:

Daiwa 釣魚置物箱 => 2000R，可放下圖最少6個kizakura。通常我放1個。外加一個鉛盒，一卷後備線。放完單邊右邊再放鉸。帶埋餌行得。上層放支細蚊怕水及廁紙，輕鬆出發。

任你點分類的收納盒，可以完全免去魚鈎因內層不密封而混合溝亂的情況。買左唔後悔

一支燈，作用晚間照明，只係照個盒，附送鐵片。由於燈具上設有磁石，而附送鐵片本身有穩固膠紙，小弟將鐵片貼左係蓋底，一打開蓋按個掣開燈，方便無比。

此配備作參考，牌子不一定及可於本地購買。下作淘寶連結推介一下。

利申:本人曾購買了並仍在使用上文三件配備。

收納盒
kizakura

燈

Chok墨魚季節初體驗

船釣(未入曬季，好細隻)

入左季岸釣都可以拎返屋企煮餐公仔面架

又黎到盛夏，釣開魚既朋友可能未必有興趣 - Chok墨魚。
配備:
- 強勁儲電散射燈(如用聚光燈效果絕對唔好)
- 八爪鈎(連夜光條)
- 魚竿 / 手排
- 魚絲(個人愛好用PE，一拉直上，唔會似有拉長有彈性)
- 冰箱(只限帶回家食用者)
- 蚊怕水 / 蚊香
全港水域基本上都有架嗱，有的愛坐船搵排口釣，有的岸邊釣。小弟咁岩船又玩過岸又玩過。個人認為出船chok墨魚係幾貴的。而且都未必保證可以比岸邊多，但普遍chok到既大細平均會比岸邊既大條。小弟Chok墨最愛就係康城，都係個句，市區。直駁。
技巧方面，網上都有好多方法，試過曬，最實際命中最高，放大約1米至1.5隱約可見八瓜鈎，會見到墨魚既影慢慢靠近隻鈎，留意住條線及鈎開始帶即Chok，都好大機會中。或者心急D未帶線個影重疊左既時間Chok，都有機會。總之行行出狀元，但最緊要既，都係防蚊防虫，短時間chok唔到，都要有準備長期作戰，唔好比D蚊咬走。